ترنيمة للعذراء مريم : عدرا يا عدرا

ترنيمة : عدرا يا عدرا

القرار

عدرا يا عدرا .. تعالي معانا ..................... سيبي سماكي .. عيشي ويانا
حلي بنورك وسط ظلامنــا ...................... إمحي الخوف ردي لينا سلامنــا

1 - شوفي يا عـــدرا كل حياتـــنا ...................... شوفي إزاي ضلت خطواتنا
أروي بحبك ضـــعــف صلاتـــــنا ...................... رجعي بالحب إيمان فاتنـــا
عدرا يا عدرا .. تعالي معانا

2 - شوقي إزاي الجـسد الــواحد ...................... أصبح مـتشـتــت متغـــرب
اشفـعي من أجـل نكون واحـــد ...................... بيعد إبليس عنا ويــهــــرب
عدرا يا عدرا .. تعالي معانا

3 - في كنيستك أظهري وسطينا ..................... يا شفيعة تشفع في آلامنـا
عايــزيـن ابنك لمــــا يـجـيــــنـا ...................... يلقى إيمـاننا بيملى أيامـنا
عدرا يا عدرا .. تعالي معانا